Борбордук Азияда блэкаут: Кыргызстанды кошо төрт өлкөдө электр жоголду

2026-жылдын 14-августунда Борбордук Азиянын төрт өлкөсүндө — Кыргызстанда, Казакстанда, Тажикистанда жана Өзбекистанда — электр энергиясынын массалык өчкөндүгү катталды.

Бишкекте бир нече райондун тургундары саат 15:00 чамасында жарык болбой калганын кабарлашты. КР Энергетика министрлиги маселеден кабардар экенин, бирок анын себебин ошол учурда айта албаганын билдирди.

Дээрлик ошол эле учурда Алматынын төрт районунда жана Алматы облусунун он районунда жарык өчтү. Энергетиктердин айтымында, ага аба зымдарынын авариясы себеп болгон. Насос станциялары токсуз калгандыктан, суу менен камсыздоодо да үзгүлтүктөр болгон.

Тажикстанда бийлик блэкауттун өлкөдөгү эң ири электр станциясы — Нурек ГЭСиндеги авария менен байланышын четке какты.

Болжол менен бир сааттан кийин энергетиктер электр берүүнү калыбына келтire баштады. Бүткүл аймакты каптаган системалык бузулуунун расмий себептери азырынча аталган жок.